Ig heisse Cédric Rothacher, 1971, u schaffe sit fasch 25 Jahr aus Pfarrer ir reformierte Chiuche Bärn – Jura – Solothurn, sit 2014 in Langethal. I dere Zyt ha ni im Rahme vo mire Arbeit mit Chind, Jugendleche und Erwachsene immer wider ou Gschichte verfasst und verzellt, bibleschi und ou anderi Gschichte.
I Gottesdienschte u Chinderwuche, Seniorenamittäg u „Fyre mit de Chliine“ het d Form vom Verzelle sich für mi meh aus nume bewährt. D Spannig zwüsche diräkter Betroffeheit einersits und beobachtend-dischtanzierter Freiheit anderersits, wo ne gueti Gschicht bi de Zuehörende gliichzittig ermüglechet, fasziniert mi immer wider.
U wiu bi biblische Gschichte Theologie u Gloube immer ou es Thema si, finde ni d Herusforderig, grad bibleschi Gschichte und ou schüsch chli schregs Züüg neu ds verzelle, ersch rächt spannend u reizvoll.