Fasnachtssegen

Fasnachts – Segen

Gottes Säge sig mit Dir
Wie di Energie vonere Gugge
Wo di laht la tanze u gumpe

Gottes Säge sig mit dir
Wie dr fiin Witz vo mene Schnitzubank
Wo di zum Schmunzle u Nachedänke bringt

Gottes Säge sig mit dir
Wie die erfüllti Stilli 
We du nach emene schöne Fescht
I dr Rueh vom aabrächende Morge heizue geisch

So legi sich Gottes Säge über di
Wie ne Konfettiräge
Farbig u liecht 
U wie d Konfetti no lang 
Immer wieder irgendwo 
I dim Autag füre chöme
So mögsch Du immer wieder
Uf Gottes Säge träffe
Hüt u morn u auii die Tag
Wo Gott dir schänkt

Amen.