Es meine vili ds Langethal ja da läbsch i geile Zyte Im Chindergarte tüe si singe lehre sogar ritte Wenn’s heisst es heigi Schimmle im Chindergarte meinti bloss Dermit si schwarzi Piuzli gmeint u nid wyssi Ross
Zwöihundert Meter witer für i Chindergarte ds cho Isch e zuemuetig für die Chind, de bruuchtisch ja ds Outo U de chiemsch de ersch no speter hei, da müestisch überlege Wenn dass Goofe no chaisch i ds Trainig fahre, wo si sech söu bewege
Dr Trump wird villich wieder gwählt, u das wär fatal Är inspiriert ou d Stadtratswahle bi üs ds Langethal Chaisch luege s’ wäiht scho glii am Stapi e fiini Brise Dür sini ganz früsch uftouppierti trump-orangi Friise
Üses Langethal entwicklet sich aktuell kulinarisch Jitz git’s ganz nöi no viu viu meh vo däm amerikanisch Bim Burger King und KFC mau gedige ga ds diniere Chaisch vergässe wiu’s het eh ke platz für dert parkiere.
Mi dünkt’s dass Stadtverwaltig vom Bahnhofumbou profitiert Si mahlt zwar geng no langsam aber wird meh respektiert Uf Boubewilligung wartisch zwar geng no viu ds viu stunde Doch hesch se geng no schnäller aus a däm Bahnhof ds Perron gfunde.
Si grabe immer töifer im Bahnhofareal U töifer geng no töifer, s’isch würklech nümm normal Dr Plan vor SBB isch gheim doch i weiss ne scho Dä heisst: Ds Langethal iistige u ds Oustralie usecho
E Herte wind wäiht hützutags ou dür d Brauereie 49-er Bier gits nümm, es isch zum schreie U ehrlech gseit, mi macht’s persönlech würklech sehr betroffe S hät nid so wiit müesse cho weni nume meh hät gsoffe
Am haubi füfi ar Aarwangestrass, wo jedes Outo steit Da muess eine vor im Kreisu chläbe, hani mir gseit Da isch ke Klimachläber gsässe – und i gseh jitz klarer sinnlos Strasse verstopfe tüe doch nume d Outofahrer
Im Zug vo Langethal uf Züri chaisch glii nümme blibe hocke Dass si d Fahplanplän vor Zuekunft s hout mi us de socke Es Gliichnis sigi das erklärtme mir i ärnschtem Ton Wenn ds Olte landisch liebe Maa, isch würklech Ändstation
National
Sie hei baggeret am Gletscher für e Sieg vom Odermatt Gäg’ Klima u Wätter baggeret bim noble Ort Zermatt Bim Matterhorn es Wältcup-Renne, das möcht si dert, o ja Doch bis de ds Wätter ändlech stimmt isch dr Gletscher längscht nümm da
D Armee darf nümme Feschte – u d Viola isch fruschtriert ds Dienschtbüechli het drum nid greglet, wieme richtig budgetiert Dr Generalstab dä het aus im Griff gha , Problem si du ersch cho Wo paar Lüt vor CS hei d Armee-Finanze überno
Uf e Stou am Gotthard jedes Jahr weimer nid verzichte Wiu d Medie chöi so jedes Jahr vo nöiie Rekorde brichte We d outo de vo sälbere fahre hiufeni da ou U schicke vo de daheime us mis Outo i nächscht Stou
Politisch
Requiem für Bundesratsambitionen von Daniel Jositsch
Ds Poschtuliere: Froue ab a Herd –isch nid sehr modärn U grad d Froue vo dr SP ghöre das nid gärn Derbi usgrächnet die stöh geng ir Chuchi – gsehsch’s dadranne Die houe immer wieder aus wo Maa isch gärn i Pfanne
Hüür hani gseit verzicht i gärn uf ds billige Sujet Vo Schnitzubänk über Politiker vor SVP Da lüttet mir e Frou aa , Si mir wähled jitz im Fall Im März öisen nöi president grad extra ds Langethal – you dreamer you
Dr Albert dä het ds Bärn eismal im Bundeshuus beschlosse Die böse Wölf mache mir angscht u wärde drum jitz gschosse Los Äubu, häb kei Angscht, ha i g ihm gseit, tue nid vergässe Die Wölf si villich bös, aber di tüe ke Röschti ässe
International
D Fuessball-WM34 findet ds Soudiarabie statt Mönscherächtler si entsetzt, dr Infantino findets glatt Är seit: Dribble, Torschuss, Flanke, Freistoss, heig jitz dert e Wärt Ou d Regimegägner sig derbi, üebe Köpfler mit em Schwärt.
Kirchlich
Immer meh tüe hützutags zur Chiuche usträtte Me dänkt sech mängisch dere Chiuche hiuft nid mau me bätte Es heisst: Mit usträtte chaisch stüüre spare s’ isch ke grossi Sach U de vermasch när tüüre Schoggi wie dä vom Läderach
Im Grosse Rat in Bärn tüe si im März de debatiere Öb si bärner Firmene no chiuchlech wöll bestüüre Ei Vorschlag wird heiss diskutiert: dass ab de nächschte Wahle D Firmene statt Chiuchestür de Regierigsrät d Banane zahle
Kommentar verfassen