Es längt ja nid, d Texte nume ds schribe oder wie i mim Fall gschribe ds ha. Jitze muess me se afa zämestelle, se ine gäbegi Reihefolg bringe, grad wius e so viu verschideni Sache het in Mundart und ou e paar in Schriftsprach. I ha mi, das hani ersch nachhär tschegget, offebar derfür entschide, i einigermasse chronologscher Foug vordsgah, vor allem was d Textsorte betrifft.
So hani d ‘Rock the Church’ a Aafang gstellt. Das sie die mängisch i die hüttegi Zyt übertragene biblische Gschichte, wo mit Pop- und Rockmusik illuschtriert wärde. I ha bi aune dene ‘Rock the Church’ aumes no ds Lied aagäh, wo u wenn dass es gspiut isch worde.
Aus zwöits chöme de d Fragmänt u Gedankefätze, mängisch luschtig u orginel, mängisch ou chli offesichtlich. Eifach e so, wie si mir begägnet si.
Gedicht, Liedtexte und zwo Meditatione schliesse de dä Teil ab, wos nid eigentlech um Erzählige geit.
De folge d Aabetüür vo mim ‘Alter Ego’, em Pfarrer Ruedi Halbise, Das sie die einzige Gschichte uf Schriftsprach. Schliesslech redt e Pfarrer, wo öppis uf sech het, i dr hehre Sprach vo Schiller und Goethe. Oder är probierts ömu…
Schliesslech ändet de das handglismete Buech mit 4 Gschichte, zwo dervo us Irland (St.Patrick und St.Bredan), abgschlosse wird.
Öb d Reihefolg blibt, weiss i no nid. Blöd si vor allem die Siteumbrüch, wo geng am falsche Ort chöme. Sone Überschrift ganz unde ar Site isch eifach nid e so cool.
Mit Word und Hiufestellige vo http://www.bod.ch (Books on demand), hani mau es meh oder minger realistisches Inhaltsverzeichnis gschaffe u aui Texte i eis Dokumänt ine gschtopft. schliesslech worde.
Ds Nächschte, wo aasteit, isch jitze eifach korrigiere u korrigiere u korrigiere u de hoffentlech no chli gstauterisch öppis mache so vo wäge Schriftbiud u Titusite etc.
Hie, aus hoffentlech chliine Tiiser (Teaser) ,mau es vorläufigs Inhaltsverzeichnis:
Inhalt
Rock the Church 9
Abendmahl 10
Fasch e Wiehnachtsgschicht 17
Dr verlornig Suhn 21
CRASH 33
D Gschicht vom Rägeboge 46
Dr Chrüzwäg 58
Gedankefätze u Fragmänt 68
Gedicht u Lieder 82
wasser 83
für hpr 84
der fluss 85
josef 86
Offebarig 21, 1-8 87
Nacht 92
Ängu i dr Nacht 97
Dunne ar Aare 98
Nid vo Brot allei 101
Viu viu ds lang 104
schmärzlos 105
Gottes Himmu isch so wiit 106
Pfarrer Ruedi Halbeisen 108
GPS - Das Glauben-Predygt-System 108
Adventliches 110
Pfingstliches 112
Und Frieden auf Erden... 114
Liebe den Sünder, hasse die Sünde 116
Gebt der Eidgenossenschaft 120
Musik in der Kirche 122
Italianita 126
Ins Leere 133
Gschichte 140
Amalek isch überall 140
D Gschicht vom St.Patrick 153
St.Brendan 180
My grandfather’s clock 203
Kommentar verfassen